Profile Quinamocos FM radio

Perfil

Radio hanesan media nebe nunka atu lakon nia imazen iha publiko. Radio moris nafatin iha situasaun saida deit hanesan udan rai manas ka anin. Media ne’e nia existensia/keberadaan diak liu media seluk tamba ema la persija tur ka hapara sira nia servisu hodi rona. Ema halao nafatin sira nia aktifidade maibe tilun mak rona. Radio nia frakeja mak kapasidade voltage mak tenki bot hodi audensia iha nebe deit bele akompanha.

Quinamocos hanesan liafuan origin (Fataluku) iha Distritu Lautem liu-liu iha sub.distritu Lospalos. liafuan ne’e iha loron-loron hanesan liafuan komunikasaun entre ema bot ba labarik ka joven foin sae. Quinamoco katak labarik ka joven foin sae. Quinamocos FM hanesan faze ida atu jovens sira dezenvolve sira nia an no fo kontribuisaun ba dezenvolvimento nasaun nia liu-liu iha area informasaun liu husi radio. Ho ida ne’e Quimocos hahu halao no fo kontribusaun murak ba dezenvolvemento liu husi emisora radio FM nebe mak haneran Quinamocos FM.

Lospalos hanesan sub. Distritu ida no mos sai hanesan  capital de Distritu ho luan areal 623.93 km2. Ho total suco 10 no aldeia 52. Lospalos ho total populasaun 31.728. mane 15.951 no feto15.777. total uma kain 6.595

Lospalos iha area nebe tetuk hahu husi fatin stasaun ho radius kilometro 30 laiha foho ka rai nebe as atu satan netik rede frequensia FM nia. Ho geografia hanesan ne’e bele fo impakto diak ba QFM hodi halao nia servisu atu fornese informasaun ba nia audensia tomak. 

Vizaun :

Sai radio nebe ho prinsipio iha siensia edukativu no teknoligia no hodi hakbi’it jovens sira iha kreatividade, responsavelidade  edukativu hodi sai mata dalan ba sira nia an sosiadade no future.

Misaun :

1. Hariku rona nain sira nia konyesemento iha area edukasaun,  teknologia,   ekonomia, Direitos Humanos, Lei no Justisa

2. Sai motivador no dudu jovens sira hodi iha kreatifidade, responsabilidade iha aspeito oi-oin

3. Ponte informasaun husi ukun nain ba povo no husi povo ba ukun nain.

4. Sai fatin nebe iha ekilivbre hodi halo discusaun, mediasaun no kritika ba dezemvolvemento.

5. Hanesan radio uniko nebe fo divertirmento ba nia audensia sira (hiburan)

OBJETIVU

Qunamocos FM hari’i atu ajuda komunidade iha Lospalos liu husi

1. Suporta no dezenvolve informasaun ba audensia iha Lospalos

2. Ajuda Jovens sira nia talento no ideia hodi promove liu husi cannal radio

3. Hamutuk ho Governo Lokal hodi habelar informasaun ba publiko.

4. Hato’o informasaun ba governo local liu husi programa audensia liu husi

5. Advocasia ho responsabilidade liu husi reportajen notisia, jornalizmu, étika professionál

 komunidade nia abilidade produsaun no jestaun.

Logo Quinamocos FM