Quim R. Brites
Loron ohin iha fatin ida ne’e ami hamrik, laiha mataben, laiha halerik no laiha sentimento hanesan uluk.
Iha fatin ida ne’e ami relembra fali masakre 17 de Abril 1999. Hanoin hika’as ema sira nebe saran sira nia an sai lutu ba ema barak nia hakarak, hamrik hodi fo sira nia an ba ema lubun nebe mai hamahan iha sira nia fatin.
Iha fatin ida ne’e ami mai ho lilin oan ida hanesan tradisaun uma kreda nia hodi sunu no fo naroman ba matebian sira atu moris iha naroman maromak nia. Lilin hanesan sinal naroman ba sira maske justisa sei iha nakukun nia laran.
Iha fatin ida ne’e ami mai atu harohan ba Maromak, atu nune’e fo roman no simu sira iha maromak nia knuana, ami fiar katak sira nia sakrifisio bot liu hodi selu sira nia sala iha moris lor-loron nia.
Iha loron ida ne’e ami mai hamrik iha fatin ida ne’e, ho silensio tebes, hodi hanoin hi’kas tinan sanolu resin tolu nia laran justisa mate no laiha is iha rai doben ne’e. Justisa hanesan mos martires sira nebe ema oho no hakoi hamutuk iha kasaun ida no hakoi mos hamutuk iha ku’ak ida nia laran.
Iha loron ida ne’e ami mai hamrik hadulas iha Posu be nia, nebe iha tempo neba tinan sanolu resin tolu ba kotuk ema milisia no militer Indonesia sira uza hodi soe isin martires sira hamutuk sanolu resin rua iha fatin ida ne’e. Maibe ami mai mos ho objetivu seluk, atu hare karik Justisa mos milisia no military sira soe hamutuk ho martires sira, tamba tinan naruk nia laran ami husu ho hakraik an Justisa nunka rona no hakarak hamutuk ho ami.
Iha fatin ida ne’e ami relembra hikas ami nia Nai ulun sira nebe ukun ami iha tinan 10 nia laran. Ami nia prezidente da Republika 20 de maio 2002 nia nebe ema luta nain no dadur mos iha ema nia ukun, nia deklarasaun ba nasaun nunka mais hakarak atu justisa ne mosu iha timor ba nia diak liu amizade duke halo justisa pasado. Tuir fali ami nia Prezidente da Republika nebe mos Diplomata internasional konyesidu iha mundo no simu nobel da paz tamba sofremento povo Timor nia iha nia tempo nia Deklara katak justisa mak hetan ona ukun an. Ba Prezidente nain rua ne’e ami sei sisi nafatin sira nia lia fuan iha loron ikus hodi nune’e sira atu responsabiliza ba martires sira.
Oin iha fatin ida ne’e ami mai atu fo hatene mos ba martires sira, katak horseik Povo Timor Leste susesu halo votasaun ba sira nia Preziente da Republika foun. Iha fatin ida ne’e mos ami fo hatene ba martires sira katak durante iha sira nia kampanhe sira nein hakarak atu koalia kona ba justisa.
Tamba ne’e iha fatin ida ne’e ami sei hateten katak dalan ba justisa sei naruk, sei hasoru fatuk no ai, laloran tasi, no anin fuik nebe hein hela ita iha oin…
Maibe martires sira, ami sei nafatin hakilar, haka’as an no buka subu anin nebe sa’tan iha oin. Maske nei-neik maibe lia los loron ikus sei manan……..Dai-lhe senhor o eterno descanso………………………………
Dili, 17 de Abril 2012.
Quim R. Brites
Loron ohin iha fatin ida ne’e ami hamrik, laiha mataben, laiha halerik no laiha sentimento hanesan uluk.
Iha fatin ida ne’e ami relembra fali masakre 17 de Abril 1999. Hanoin hika’as ema sira nebe saran sira nia an sai lutu ba ema barak nia hakarak, hamrik hodi fo sira nia an ba ema lubun nebe mai hamahan iha sira nia fatin.
Iha fatin ida ne’e ami mai ho lilin oan ida hanesan tradisaun uma kreda nia hodi sunu no fo naroman ba matebian sira atu moris iha naroman maromak nia. Lilin hanesan sinal naroman ba sira maske justisa sei iha nakukun nia laran.
Iha fatin ida ne’e ami mai atu harohan ba Maromak, atu nune’e fo roman no simu sira iha maromak nia knuana, ami fiar katak sira nia sakrifisio bot liu hodi selu sira nia sala iha moris lor-loron nia.
Iha loron ida ne’e ami mai hamrik iha fatin ida ne’e, ho silensio tebes, hodi hanoin hi’kas tinan sanolu resin tolu nia laran justisa mate no laiha is iha rai doben ne’e. Justisa hanesan mos martires sira nebe ema oho no hakoi hamutuk iha kasaun ida no hakoi mos hamutuk iha ku’ak ida nia laran.
Iha loron ida ne’e ami mai hamrik hadulas iha Posu be nia, nebe iha tempo neba tinan sanolu resin tolu ba kotuk ema milisia no militer Indonesia sira uza hodi soe isin martires sira hamutuk sanolu resin rua iha fatin ida ne’e. Maibe ami mai mos ho objetivu seluk, atu hare karik Justisa mos milisia no military sira soe hamutuk ho martires sira, tamba tinan naruk nia laran ami husu ho hakraik an Justisa nunka rona no hakarak hamutuk ho ami.
Iha fatin ida ne’e ami relembra hikas ami nia Nai ulun sira nebe ukun ami iha tinan 10 nia laran. Ami nia prezidente da Republika 20 de maio 2002 nia nebe ema luta nain no dadur mos iha ema nia ukun, nia deklarasaun ba nasaun nunka mais hakarak atu justisa ne mosu iha timor ba nia diak liu amizade duke halo justisa pasado. Tuir fali ami nia Prezidente da Republika nebe mos Diplomata internasional konyesidu iha mundo no simu nobel da paz tamba sofremento povo Timor nia iha nia tempo nia Deklara katak justisa mak hetan ona ukun an. Ba Prezidente nain rua ne’e ami sei sisi nafatin sira nia lia fuan iha loron ikus hodi nune’e sira atu responsabiliza ba martires sira.
Oin iha fatin ida ne’e ami mai atu fo hatene mos ba martires sira, katak horseik Povo Timor Leste susesu halo votasaun ba sira nia Preziente da Republika foun. Iha fatin ida ne’e mos ami fo hatene ba martires sira katak durante iha sira nia kampanhe sira nein hakarak atu koalia kona ba justisa.
Tamba ne’e iha fatin ida ne’e ami sei hateten katak dalan ba justisa sei naruk, sei hasoru fatuk no ai, laloran tasi, no anin fuik nebe hein hela ita iha oin…
Maibe martires sira, ami sei nafatin hakilar, haka’as an no buka subu anin nebe sa’tan iha oin. Maske nei-neik maibe lia los loron ikus sei manan……..Dai-lhe senhor o eterno descanso………………………………
Dili, 17 de Abril 2012.
Tidak ada komentar:
Posting Komentar