Perparasaun Ekipa de trabalho ba Akampamentu Permascout iha Remexio 2011

Press Release. Globalmente mudansa iklima sai ameasa bo’ot ba ema no buat moris hotu iha planeta ne’e. Tinan tinan numeru disastre naturais aumenta ba beibeik. Ne’e inklui rai manas aumenta a’as, jelu iha artika no artartika komesa naben halo tasi ben aumenta sa’e, anin komesa sai maka’as liu tan, udan bo’ot halo rai monu no be’e sae, bai loron naruk no be’e matan barak mak komesa maran. Timor-Leste hanesan nasaun kiik, ne’ebe okupa deit ilha sorin husi rai Timor. Timor-Leste iha pozisaun vulnerable tebes ba mudansa iklima no disastre naturais. Sa tan dezenvolvimento rai ne’e la dun fo prioridade ba problema meiu ambiental. Ezemplu ida husi mudansa iklima mak tinan tinan udan ben tun la tuir nia tempu, ida ne’e fo impaktu ba buat barak. Produsaun agrikultura komesa menus no hetan estragus. Dizastre hirak ne’e laos tamba kastigu husi Maromak maibe husi ita ema nia hahalok rasik. Ai-laran tuan hirak ne’ebe mak uluk ajuda hamenus polusaun mundu, agora hetan istragu hanesan tesi no sunu. Nasaun riku sira harii industria bo’ot oioin, kria polusaun maka’as no halo rai sai manas liu tan. Tan ne’e, agrupamento Permakultura Scout Timor-Leste (PERMASCOUT-TL) organiza akampamentu ida hamutuk ho Joventude no estadu Timor-Leste buka solusaun ruma hasoru mudansa iklima ne’e. Hanesan informasaun nebe hato’o ona ba publiku iha dia 25 de Marsu 2011 iha sede Permascout liu husi media nasional katak akapamento ne’e sei halao iha Distritu Aileu Sub.Distritu Remexio, 2 -7 Maio 2011 Objetivu husi programa ne’e mak atu Fanun povu, governu no juventude Timor-Leste hodi preukupa no buka solusaun hodi adapta’an ho mudansa iklima, habelar konseitu dezenvolvimento sustentavel ne’ebe bazeia ba valoris natureza no cultural rejiaun ida-idak iha Timor-Leste no halo formasaun no prepara lideransa foun ne’ebe iha disiplina, konsensia no mentalidade diak hodi dezenvolve rai ne’e iha futuru. Perparasaun husi Ekipa de Trabalho Atu fo suksesu ba akampamento ida ne’e, iha loron 18 de abril 2011 ekipa de trabalho nebe lidera husi Sr. Hermengildo Sarmento ho nia membrus sira hamutuk ho juventude no lider lokal iha Remexio hahu perpara nesesidade nebe baziku hanesan tenda ba sekretariado, tenda siguransa, marka alokasaun ba fatin partisipante no Observador husi rai liur, perpara fatin hari’is no hari gapura no sentru informasaun sira seluk. Tuir planu katak ekipa ne’e sei remate sira nia servisu iha semana oin. Partisipante. Tuir planu partisipante nebe aku partisipa iha akampamento ne’e maka : representate eskutismu husi 13 distritu, Universitariu, Eskola Vokasional Teknika agrikultura, Organizasaun Joventude balun no Observador International. Estimasaun total partisipantes ba akampamentu ne’e, partisipantes 702, observador 50, komisaun organizadora 100 ho total hamutuk ema 852. To’o oras ne’e partisipante nebe hato’o ona sira nia informasaun atu partisipa iha eventu ne’e mak hanesan tuir mai :Total 590 pesoas. husi Distrito Dili,Liquisa,Viqueque,Aileu,Manufahi, Baucau, Manatuto, Ermera no Ainaro. Doadores Ba programa akampamento ne’e rasik hetan supporta orsamento no material husi Doador sira mak hanesan : Caritas Australia, Oxfam Timor Leste, Gabineti Permeiro Ministro, Irish Aid, Trocaire, Gabineti Prezidente da Republica no Permatil Ami espara katak programa ne’e sei hetan suksesu husi ita nia kontribusaun, kolaborasaun, no espirito desemvolvimento hodi hamutuk buka solusaun hasoru mudansa iklima. “Husi ami hotu ALERTA”