Akampamentu Permascout 2011 sei loke direitamrente husi Sua.Ex,sia DR Jose Ramos Horta, Prezidente da Republika RDTL, Loriaudu Novel da Paz

Press Release Dili, 25 Abril 2011 Globalmente mudansa iklima sai ameasa bo’ot ba ita hotu. Tinan tinan numeru disastre naturais aumenta ba beibeik. Rai manas aumenta a’as, jelu iha artika no artartika komesa naben, halo tasi ben aumenta sa’e, anin komesa maka’as liu tan, udan bo’ot halo rai monu no be’e sae rai no bai loron naruk ba bei beik. Timor-Leste hanesan nasaun kiik no ilha sorin husi rai Timor, vulnerable tebes ba mudansa iklima no disastre naturais. Iha Timor-Leste, tinan tinan udan ben tun la tuir nia tempu no produsaun agrikultura mos komesa menus no hetan estragus. Dizastre naturais laos tamba kastigu Maromak nian, maibe tamba ita ema nia hahalok rasik. Ita tesi no sunu ai-laran tuan mak ajuda hamenus polusaun mundu nian. Nasaun barak harii industria bo’ot oioin, kria polusaun maka’as no halo rai sai manas liu tan. Tempu seidauk tarde ba ita hodi buka solusaun ba problema hirak ne’e, maibe ita labele tur hein deit, tenki halo assaun agora! Mundu nia moris naruk depende ba ita idaidak nia moral no konsensia. Assaun ida mak, agrupamento Permakultura Scout Timor-Leste (PERMASCOUT-TL) organiza akampamentu hodi buka solusaun hamutuk hasoru mudansa iklima ne’e iha Timor-Leste. Abertura sei halao iha Tersa-feira, 03 Maio 2011, oras 10.00 Otl. Total partisipantis 852, sei mai husi representate eskutismu husi 13 distritu, Universitariu, Eskola Vokasional Teknika agrikultura, Organizasaun Joventude balun no Observador International. Akampamento ne’e hetan suporta husi: Caritas Australia, Oxfam Timor Leste, Gabineti Permeiro Ministro, Irish Aid, Trocaire, Gabineti Prezidente da Republica no Permatil. Ho ita nia kontribusaun hotu, kolaborasaun, no espirito diak, ita sei halo akampamentu ne’e suksesu no buka solusaun hodi hasoru mudansa iklima iha Timor-Leste. “Husi ami hotu ALERTA” PERMASOUT-TL