Adeus Major Ular

Loron matan, Fitun no Fulan, Udan no Anin, Timor no nia Balada tomak sai sasin ba MAJOR nia Moris....... Rai no Balada tomak hatene MAJOR nia hahalok........ Sakrifisio vida tomak ba MAJOR nia rai doben liu husi tentasaun oi-oin, ikus MAJOR hetan victoria bot ida ba MAJOR an rasik mos istoria bot ida ba MAJOR nia Oan Doben sira. Los MAJOR nia belun bot dehan ”Buat barak MAJOR halo ona ba rai doben, Estado seidauk fo hotu buat nebe MAJOR halo” maibe karik ne’e husi MAJOR nia fuan laran la husu.... tamba MAJOR hadomi MAJOR rai doben Timor. Timor doben Lakon nia ema diak ida Timor doben susar atu hetan ema diak ida hanesan MAJOR.... Laiha kolen wainhira Major hakur mota, sae-tun foho, no toba iha rai fuik laran Sakrifika an hasoru udan, anin no loron matan Aten brani hasoru empuscada inimigo nia no ho asasino hasoru kilat musan inimigu nia Karik fitio Major nia sempre hakbesik ba ema hotu, paz nain, dame nain no aman ba ema hotu, inimigo sai amigo i amigo sai nia familia Laiha ema ida atu halo tuir MAJOR nia hahalok, maibe ami fiar instituisaun nebe MAJOR knar’an ba sei konta no halo tuir MAJOR nia hakarak no hahalok iha sira nia neon no hanoin........... Lalenok MAJOR nia sei iha MAJOR nia oan sira nia moris.....maske sira lakon aman nebe sira hadomi maibe sira mos orgulho tamba MAJOR nudar Aman rai hela istoria bot ida iha sira nia moris no Timor Adeus Heroi da Libertasaun I Adeus Major Hakmatek ba iha PAZ Dili, 070101